ओलम्पिक पदकधारी खेलाडी किमिया अलिजादेहले इरान छाड्ने घोषणा गरेकी छन् ।
२०१६ को रियो ओलम्पिकमा तेक्वान्दो खेलमा इरानलाई कास्य पदक जिताएकी अलिजादेहले इरान छाड्ने घोषणा सामाजिक सञ्जाल मार्फत् गरेकी हुन् ।
उनले आफ्नो सामाजिक सञ्जालमा आफूले ‘ढोङ्गी, झुटो, अन्याय र चापलुसी’ सहन नसक्ने लेखेकी छन् । उनले आफू पनि लाखौं इरानी उत्पीडित महिलाहरु मध्येको एक रहेको उल्लेख गरेकी छन् ।
देश छाडेको घोषणा गरेकी उनले आफू कहाँ छन् भन्ने भने उल्लेख गरेकि छैनन् । तर, उनी नेदरल्याण्ड्समा अभ्यासका क्रममा रहेकी जनाइएको छ ।
उनले २०१६ मा इरानका लागि कास्य पदक जित्ने पहिलो इरानी महिला खेलाडीको इतिहास रचेकी थिइन् ।
आफ्ना अफिसियलले अपमान गरेको उनको आरोप छ । ‘म उत्पीडनमा रहेका ति लाखौं इरानी महिला मध्ये कि एक जसलाई उनीमाथि बर्षभरी खेल्छन्,’ किमीआले भनेकी छन्,‘मैले उनीहरुको कुरा माने जे गर्न भने । उनीहरुले भनेका हरेक बाक्य मैले दोहोर्याए । त्यसले उनीहरुलाई मतलब गरेनन् । हामी मात्रै साधन भएका छौं ।’
उनले अफिसियलले मात्रै नभइ सरकारले समेत आफ्नो खेल करियरको सफलतालाई ‘एक्सपोलइट’ गरेको आरोप लगाएकी छन् । उनले आफ्ना लागि युरोपका विभिन्न देशबाट प्रस्ताव आएको उल्लेख गरेपनि कहाँ जाने भनेर निश्चित नभएको बताएकी छन् ।
इरानको इस्ना न्युज एजेन्सीले ‘इरान तेक्वान्दोका लागि दुखद् खबर भन्दै किमीअ नेदरल्यान्ड्स सरुवा भएको उल्लखे गरेको छ । उक्त समाचार संस्थाले किमीअले २०२० ओलम्पिक खेल्ने तर, इरानी झण्डामुनी नरहने उल्लेख गरेको छ ।एजेन्सी